LA ZAITES SCRIJ Y SCRIJ Y SCRIJ...

LA ZAITES SCRIJ Y SCRIJ Y SCRIJ…

Aspitan che l Puhin unirà ora cun plu ujes y dantaldut cun argumentazions ogetives y 

nia de pert, ulëssi mo stlarì na cossa n cont dla lista unica.

Ne rujeneré nia giut di singuli partic, ne rujeneré nia di autri, rujeneré dl’idea de avëi n Chemun reprejentà da persones y nia da partic, ulache nchinamò univel auzà la man do la ulentà dla “disciplina de partit”.

Chësc ie n dato di fatto. Jide a ve liejer i protocoi.

For inò liejen tla zaites che l’idea de na lista unica (no Lista Zivica, no partit) ie n’idea surreéla, nia fatibla, dalonc dala realtà.

Fauz! La listen uniches ie bele y les vën dant avisa coche i delfins tl mer: nce chëi udons purtruep mé dinrer, ma i ie!

Ie pënse che i zitadins ebes l dërt de unì tëuc sul scerio, dantaldut canche i pënsa do sun vijions cuncretes.

L problem ie povester n auter. Vel’ un se daudëssa dan Bulsan, sce l unissa ora che nosc bel Urtijëi, dut mpurtant, ne n’à nia partic.

Ne criede perchël nia ala ciacules dla zaites.

Y de fat, ne ëssa pa inió liet chisc dis PERCIE che na lista unica fossa mpuscibla?

Chiche scrij che chësta idea ie na sort de Disneyland,
chël ne ie mé mo mei stat a Disneyland.