They call it "cambio"

Sada, 10 danmesdì. Ite per la Tresval. La furmies de mitel cuncedes su una n do l’autra. Una de ch’la furmies sons ie, depënta ju de brum cobalt. 
N canister de pazienza fossel debujën, ntan che i patins passa via cun i schi, tenian si strumënt sciche n aborigen tenissa si didgeridoo. 
La “Zebrastreifen”ie sambën mé na pitura moderna d’avanguarde, depënta sun l asfalt nsci a cajo…
La precedënza devënta n’opzional, i culëures dl semaforo ie mé plu tlo per ti dé mpue de variazion cromatica al grij dl smog.
Un de novant’ani me va dant sun la man drëta (a pe). Anarchia Tresvaliana.
I SUV, cun n’ego de na teenie che à iust venciù Germany’s Next Top Model, te fej la lumes…sciche sce l fossa mi gauja de vester na furmia de mitel. Ma dantaldut l bon tof che mi sciaudamënt ciucia ite: n mix danter na zigara jita a mel y na miniera de ciarbon dl Sussex.
L ie sada…mesa la undesc. Cënt metri plu inant.

Mé bon che cun mé te auto ie Bob Dylan… (sambën desturbà uni 5 menuc dala nutizies euforiches de Ö3, che te conta duta la sfighes che pudëssa te suzeder sun streda).

Ma ie y Bob se n fregon y streflon inant, s’la ciantan y tachelnan al heavens‘door (=Sëlva).

Ivan Senoner